نصائح مهمة لكل رجل مقبل على الزواج

السلام عليكم ورحمة الله وبركاتة

اليكم بعض النصائح الهامة لاستمرار الحياة الزوجية ولجعل الحياة الزوجية اكثر سعادة

واليكم نصائح هامة جدا للرجل

1- الزوجة دايما بتحب انها تحس انها ليها قيمة كبيرة عندك حسسها دايما بكدة
لان الزوجة في النهاية مخلوق ضعيف محتاج يحس بالامان وهوة معاك خليك حنين عليها واوعى تقسي عليها ..حتلاقيها بتعمل المستحيل علشان ترضيك ..

2- الزوجة هي سر السعادة في البيت ..ولما بتكون سعيدة بيكون البيت كلة في حالة فرح ..فاحرص دايما على سعادة بيتك بكلمة حلوة دايما منك وباحساسك بالرضا نحيتها وانها شي غالي عندك ..حتلاقي دة بينعكس على حياتك وعلي بيتك وعلى مستقبلك وحياتك كلها

3- الزوجة مش محتاجة منك غير عطف وحب و حنية .. وانها تحس انه مستقبلها حيكون كويس وهيا معاك

4- * أعظم من عضلات الرجل .. أعظم من ذكائه .. ضعفه وحنانه مع زوجته !.

5- اوعى تبوخ او تقلل من قيمة مراتك ادام اهلها او اهلك لانك بكدة بتخليها تكرهك طول العمر

6- مش معنى انك لو طلعت منك كلمة مش حلوة او غلط في حق زوجتك وهيا سكتت يبقي هيا طنشت ...او نست ..بالعكس يمكن بتكون شايلة في قلبها وبتتحمل ..حاول دايما من وقت لاخر ماتخلهاش زعلانة منك

7- اشعر زوجتك دائما بانك احسن شئ اختارتها بارادتها

8- خليها تحلف بوجودك اودام نفسها قبل ميكون اودام اى حد

9- اقف جنبها وساعدها من غير ماتقولك لانها مش حتشتكى

10- لو زعلتوا تعالي على نفسك مرة اتنين ..حتلاقي نفسك بتكسب قلبها اللي حيكون احن عليك من نفسك ومن الناس دى كلها

11- الزوجة دايما من وقت للتانى بتحتاج لوجود زوجها جنبها ومش وجودة اللي بيبقي مثل الكرسي اللي جنبها ..محتاجاه يحس بيها ويقدر مشاعرها ويملك قلبها ويفهمها من كل كلمة بتقولها حتى لو مش حتقدر تساعدها ..المهم انها تحس انك جنبها بتسمعهلها وبتشاركها همها وحاسس بيها..صدقنى لو عملت كدة حتوفر على نفسك مشاكل كتير بتخلقها الزوجة نتيجة عدم الاهتمام وفي الحاله دى الزوجة لا تلام

12- لازم تاخد بالك وانت معاها من ادق التفاصيل ..حتى لما تغير فستانها او متلبس نوع مختلف

13-حاول ادام الاهل والمعارف تذكر محاسنها حتى ولو كانت واحد من 10 لان اقل تقدير لاي زوجة انها تحترم من زوجها

14- الزوجة مش بتحب الزوج الخجول لان الزوجة بطبيعتها عايزه تسمع احلى كلام فى الدنيا ..ولو مكنتش انت اللي حتشبع رغبة الكلام الحلو عندها ..مين حتلجئلة ..البواب؟؟؟

15-نصيحه مهمة لكل الازواج.... لو عايز تحافظ على زوجتك اللى ملكش غيرها حاول بقدر الامكان انك فى اى لحظه غضب بلاش تتطلع من بقك اى لفظ مش تمام سواء ليها او لحد تانى وبلاش برده العصبيه والصوت العالى الا طبعا اذا كانت هى غلطت يبقى لازم تفهمها الصح بس باسلوب لذيذ فيه عقل وجمود فى نفس الوقت
عارف ليه ...لان ربنا حيبارك في حياتكم من غير اي عناد او عنف

16-مفيش احسن من الاحترام ....لازم تكون نحترم معاها او حتى مع اللى قريبين ليها عشان الاحترام بيخلى الزوجة تحس من جواها انك عاقل وكبير بس مش فى السن لا فى لاروح والوجدان والاحساس والمشاعر والحب وساعتها هى هاتعرف انك اللى هاتحافظ عليها

17-مش من الرجولة وانتوا متجوزين ..في العلاقة الزوجية تبقي انانى و بتهتم بمتعتك انت وبس ومش مهم هيا ولا مهم تقدر مشاعرها واحاسيسها..ومش عيب تشاركها وتسئلها عن الي بيريحها ..وتدور علية .لانك عمرك ماحتحس بالرضا او السعادة الكاملة الا لما تشوف في عينيها الرضا والسعادة ..والدليل على كدة ان اللي دايما بيدوروا على متعتهم وبس تلاقيهم دايما بيتنقلوا من انسانة لانسانة لخيانة اخري واخري وعمرهم ماحيحسوا بالرضا ابدا

18-شوف ايه اللى هى بتحبه واعمله وشوف ايه اللى بيضايقها وبلاش تعمله بس بمزاجك انت مش بمزاجها هى يعنى فهمها انك بتعمل كده عشان انت كويس من جواك وانك راجل قد المسؤلية وان دة طبعك وفطرتك وعلشان كل دة بتتقي ربنا فيها لان دة من شيم اخلاقك

19- شخصيتك......دى بقى اهم حاجه ممكن تشد الزوجة ليك ....والشخصيه هنا مش معناها ضرب وقله ادب وتأمر وبس كده لا لا لا لا مش كده خالص
الشخصيه هى انك ليك دماغ عارف هى رايحه فين وجايه منين وامتى تستعملها وامتى برده تركنها !!!

20- تذكر دائما "هن لباس لكم و أنتم لباس لهن" صدق الله العظيم و المعلوم أن اللباس للستر و لا تستقيم الحياة الزوجية إلا به..علشان كدة خلي مشاكلكم جوة بيتكم دايما تبقوا ستر وغطا عل بعض متدخلوش الغريب او الاهل في مشاكلكم الا في الضرورة ..

21- مسك اليدين بمناسبة أو بدون مناسبة .بتشعر الزوجة بالإطمئنان والراحة.

22- ابعد لها خصلات شعرها التي وقعت على وجهها. بتديلها انطباع تام بالإهتمام والعناية

23- مسح دموعها بأطراف اصابعك اذا تسبب لها أي شيء من البكاء.بتحسسها بحنــــان لابعد درجة

24-ان تقول لها كلمة (أحبك ) حتى وهي غاضبة تسيطر على تفكيرها وتبادلك الشعور وأحيانا ترد لك الكلمة

25-أن تقبل يديها وتعتبرها نعمة من الله وقل لها انك تشكر الله على أنه اهداك اياها..تشعر المرأة عندها انها مميزة ولا احد ينافسها في قلب الرجل

26-طبعا اهم حاجة فى الانسان الصدق والصراحة لان لو اللى قدامك عرف انك كداب بالطبع مش هيحبك

27- ..اوعى تبتدى حياتك بمعصية او حاجة غلط ولو بوسة بسيطة قبل الجواز ... اتقي ربنا فيها حتلاقي ربنا بيباركلك في جوازتك طول حياتك

28- خليك انيق فى ملابسك فى تسريحة شعرك نوع البرفاة اللى بتستعملة فى كل حاجة لازم تكون انيق

29- متفاهم مع الاخرين واحترام الرئى الصحيح مهما كان مش مناسب معاك وتفهم الامور صح وتفكر كذا مرة قبل الرد

30- خليك زوق فى كلامك واختيار الافاظ اللى بتتكلم بيها

31- لازم تحس باللى قدامك حتى من غير ما يقول تفهمة من نظراتة من تصرفاتة من كلامة وتحسسة انك لية وبس ومفيش غيرك فى حياتة وطبعا دة المفروق ميكونش كلام وبس

32-لازم طبعا تغير على اللى بتحبة بس مش غيرة عمياء ولازم فى نفس الوقت تكون عندك ثقة فى اللى بتحبة

33- تكون بتحب الهزار والضحك يعنى مش كل كلامك كلام عادى ومخلى الحياة كلها اوامر ونكد فى نكد شوية كدة وشوية كدة علشان الحياة تمشى

34- لاتقول لزوجتك ان وزنها زاد

35- الزوجةدايما بتحب الشاب اللي يجمع بين قوة الشخصية والرجولة وخفة الدم حل بقي المعادلة دى

واتمنى انى اكون افدتكم بنصايحى
ويارب دايما كل الناس تعيش في هنا وسعادة

مع تحياتى

» نصائح للحصول على نوم هادئ

موقع مشاهدة القنوات المشفرة مجانا
نصائح مهمة لكل رجل مقبل على الزواج Bahrai10

نصائح مهمة لكل رجل مقبل على الزواج Aljaze11

نصائح مهمة لكل رجل مقبل على الزواج Eurosp10

نصائح مهمة لكل رجل مقبل على الزواج Saaudi10

نصائح مهمة لكل رجل مقبل على الزواج Alamee10

لمشاهدة القنوات اول شي عليك تنزيل quick …

ياهو ماسنجر 8 والله احسن
اصدار جديد من برنامج المحادثة الشهير للتحدث مع الاصدقاء على
الانترنت يعمل على جميع اصدارات ويندوز .بامكانك ايضا استخدامه كهاتف , فقط عليك استخدام مايك سماعة اذن . يرتبط البرنامج ببريدك …